Við Ásvallagötu í Reykjavík stendur ákaflega hlýleg og falleg 65,6 fm íbúð. Íbúðin er á efstu hæð og er í raun stærri því hluti er undir súð.
Eldhús og stofa eru í samliggjandi rými og útsýni úr þessum rýmum yfir Vesturbæinn.
Hvít sprautulökkuð innrétting er í eldhúsinu og eru ljósar viðborðplötur á borðum á eyjunni en við vegginn eru hvítar borðplötur. Lítið er um efri skápa heldur er veggurinn málaður í mjúkum lit. Rússneskar ljósaperur fá að njóta sín á skapandi hátt í eldhúsinu.
Í stofunni eru innbyggðar hillur sem koma vel út.
Ásett verð er 42.800.000 kr. en fasteignamat fyrir 2020 er 37.350.000 kr.