Karl Ágúst Guðmundsson, sem eitt sinn var í hljómsveitinni Kolrössu krókríðandi sem vann Músíktilraunir 1992, hefur sett glæsilega íbúð sína á sölu. Hljómsveitin var stofnuð í Keflavík og fékk plötusamning við Smekkleysu í kjölfarið.
Heimili Karls Ágústs og fjölskyldu er í blokk við Lómasali í Kópavogi. Íbúðin sjálf er rúmlega 116 fm að stærð og var blokkin byggð 2003.
Heimilið er heimilislegt og listrænt. Í hjónaherberginu er til dæmi fallegt listaverk fyrir ofan rúmið og við rúmgaflinn sem Karl Ágúst smíðaði. Í íbúðinni eru tekkhúsgögn áberandi í bland við nýtískulegri húsgögn. Heildarmyndin er falleg og í íbúðinni eru margar góðar stílhugmyndir.