Spjallþáttastjórnandinn Ellen DeGeneres og eiginkona hennar Portia de Rossi hafa sett hús sitt í Montecito í Kaliforínu á sölu. Það vekur athygli því húsið keyptu þær í september á síðasta ári. Montecito er vinsæll staður á meðal ríka og fræga fólksins en á meðal nágranna í bænum eru Harry Bretaprins og Meghan hertogaynja.

Húsið keyptu þær á 12 milljónir bandaríkjadala á síðasta ári en vilja nún 13,9 milljónir fyrir það. Um er að ræða 369 fermetra hús með þremur svefnherbergjum og fjórum baðherbergjum. Samkvæmt heimildum Dirt fóru hjónin í einhverjar framkvæmdir á húsinu en þær tóku ekki langan tíma. 

DeGeneres og de Rossi hafa farið mikinn á fasteignamarkanum undanfarna tvo áratugi og hafa keypt og selt hátt í tuttugu hús að því er fram kemur í Architechtural Digest. DeGeneres sagði í viðtali árið 2011 að það væri hennar leið í fjárfestingum. Um leið og hún eignaðist peninga hafi hún keypt hús og svo fleiri.