Við Láland í Fossvogi er að finna vel skipulagt 201 fm einbýli sem byggt var 1978. Húsið er á einni hæð og stendur á skjólsælum stað inn í botnlanga. Það er því engin bílaumferð að trufla íbúa hússins.
Húsið er með fallegum klæðningum í lofti og býr yfir töfrum fyrri tíma þegar kemur að innréttingum og innihurðum. Í húsinu eru stórir gluggar sem eru í takt við þann byggingarstíl sem var ríkjandi í Fossvoginum og er reyndar enn.
Í húsinu eru þrjú baðherbergi. Eitt þeirra er eins og klippt út úr bíómynd frá 1978. Þar eru gulir vaskar, gular skrautlegar flísar og furuinnréttingar sem voru vinsælar á þeim tíma.
Ef þig dreymir um að búa í einu skjólsælasta hverfi Reykjavíkur og langar í hús á einni hæð þá gæti þetta verið rétta húsið fyrir þig.