Ungar athafnakonur, UAK, eru tilbúnar í þennan vetur og byrjuðu starfsárið með miklum glans á Nauthóli í liðinni viku. Katrín Olga Jóhannesdóttir formaður Viðskiptaráðs Íslands var með erindi ásamt Fidu Abu Libdeh stofnanda GeoSilica og Þóru Helgadóttur fyrrverandi landsliðsmarkmanni í knattspyrnu og starfsmanni Seðlabanka Íslands. 

UAK var stofnað 2014 og fagnar því fimm ára afmæli í ár. UAK vilja stuðla að samfélagi þar sem konur og karlar standa jafnfætis og bjóðast sömu tækifæri. Markmið félagsins er að styrkja stöðu og framtíð ungra kvenna sem stjórnenda og þátttakenda í atvinnulífinu. 

Vel var mætt á fyrsta fund vetrarins eins og myndirnar sýna glöggt.