Það var einstök stemning í gær þegar veitingastaðurinn Fiskmarkaðurinn hélt upp á 15 ára afmæli sitt. Hið nýtrúlofaða par, Lína Birgitta Sigurðardóttir og Guðmundur Birkir Pálmason, eða Gummi kíró eins og hann er kallaður, létu sig ekki vanta. 

Afmælið var haldið á Uppi bar þar sem boðið var upp á Tanqueray kokteila að hætti Andra Viceman verðlaunabarþjóni. Rakel Tómasdóttir listakona teiknaði gesti kvöldsins og allir fengu myndina með sér heim. Þeir aðilar sem misstu af afmælinu þurfa ekki að örvænta því það verður dagskrá á Uppi bar út laugardagskvöldið þar sem hressandi kokkteilar og fjör verður í forgrunni.