Einkabörn líklegri til þess að halda fram hjá

Einkabörn eru oft sögð frekari og dekraðri en önnur börn. Fólk án systkina heldur áfram að verða fyrir aðkasti þegar það er komið á fullorðinsárin og er frekar sagt halda fram hjá en fólk sem á systkini. 

Stefnumótasíða fyrir gift fólk sem vill halda fram hjá komst að því að stærsti hluti kúnna hennar væru einkabörn, allt fólk sem vildi halda fram hjá vegna eðlis síðunnar. 

Fram kemur í grein Women's Health um könnunina að talsmaður síðunnar segi að einmanaleikinn sem einkabörn finna fyrir í æsku komi aftur í samböndum þeirra á fullorðinsárunum. Eru þau sögð hungra í athygli og því fari þau þá leið að halda fram hjá. 

Á eftir einkabörnunum var næststærsti hópurinn elstu börn, þar á eftir komu yngstu börn en miðjubörn voru þau trúföstustu samkvæmt stefnumótasíðunni.