Margir nýta sumrin til þess að trúlofa sig en Smartland mælir ekki með því að fara sömu leið og kona sem læknirinn Adam Key hjálpaði eftir að bónorð hennar misheppnaðist skelfilega. Key fór yfir söguna í bók sinni This is Going to Hurt eins og Mirror greinir frá.
Ætlaði ónefnd kona að biðja kærasta síns á hlaupársdegi, 29. febrúar, og var búin að fela hring inni í Kinder-eggi. Ekki nóg með það að fela hringinn heldur faldi hún eggið líka og það inni í leggöngum sínum.
Plan konunnar var að maðurinn myndi með fingraleikni sinni finna Kinder-eggið, taka það út úr henni og þá ætlaði hún að biðja hans. Það sem gerðist hins vegar var að eggið festist lárétt inni í leggöngum konunnar.
Læknirinn segir að konan hafi ekki viljað segja manninum hvað hún hefði gert. Hún bað hann þó um að giftast sér áður en þau brunuðu upp á spítala. Þar tók Key á móti þeim og fjarlægði eggið með töng og fékk unnustinn loks hringinn á spítalanum.