Stundar þú ekki kynlíf tvisvar í viku eða hugsar um einhvern annan en maka þinn í rúminu? Kynlífs- og sambandssérfræðingurinn Tracey Cox heldur því fram að þetta og margt annað sé eðlilegt. Oftast eru áhyggjur af vandamálum tengdum kynlífi óþarfar.
Kynlíf sjaldnar en tvisvar í viku
Oft er því haldið fram að fólk stundi kynlíf að meðaltali 2,2 sinnum í viku. Ekkert samband er eins og tekur kynlíf fólks mið af því hversu lengi það er búið að vera saman. Segir hún það til að mynda eðlileg fyrir útvinnandi foreldra að vera ekki að stunda kynlíf á hverju kvöldi.
Hugsar um einhvern annan en makann í rúminu
Cox bendir á að fólk hætti ekki að laðast að öðru fólki þó svo það sé ástfangið. Segir hún það að hugsa um einhvern annan í rúminu vera betra en að gera eitthvað í því í alvörunni. Ef þetta gerist í hvert skipti sem par stundar kynlíf gæti það þó verið vandamál.
Makinn er ekki hættur að horfa á klám
Segir Cox það ekki vera vandamál nema ef makinn stundar frekar sjálfsfróun yfir klámi í stað þess að stunda kynlíf með maka sínum. Einnig ef eytt er mjög miklum tíma í að horfa á klám. Segir hún gott að fólk stundi sjálfsfróun í samböndum og stundum noti fólk klám til þess að fá útrás.
Þú gerir alltaf það sama í kynlífinu
Flestir halda sig við það sem þeir þekkja þegar þeir stunda kynlíf að sögn Cox. Í rauninni bendir hún á að flest pör stundi kynlíf á nákvæmlega sama hátt og nákvæmlega jafnlengi þegar það stundar kynlíf.
Færð ekki fullnægingu í samförum
Þetta er ekki vandamál hjá konum enda 80 prósent kvenna sem fá fullnægingu bara með því að stunda samfarir. Erfitt er að örva snípinn á þann hátt og er gott ef maki kemur við sníp konu sinnar.
Þig langar ekki að stunda kynlíf
Það er eðlilegt að fólk langi ekki að stunda kynlíf á hverjum degi, sérstaklega á þetta við þegar það er stressað, líður illa eða bara óánægt með sjálft sig. Það sama gildir um makann. Ef ykkur langar hins vegar aldrei að stunda kynlíf gæti þetta verið vandamál.
Kynlífið á ekki að vera eins og í bíómyndunum
Mjög fá pör stunda alltaf kynlíf eins og það gerist á skjánum. Segir Cox að fólk þurfi virkilega að hafa fyrir því ef kynlífið á að líkjast eldheitri ástríðstund í sjónvarpinu. Kynlíf snýst líka um margt annað eins og ást, skemmtun og tengingu við makann.
Ólíkar hugmyndir um hvað sé gott kynlíf
Það er ekkert eðlilegra en að uppáhaldsmaturinn sé ekki sá sami. Það sama á við um kynlíf. Þetta er aðeins vandamál ef fólk er ekki hreinskilið við hvort annað.