„Ég átti góðan dag í gær með mínu fólki sem endaði með því að ég keyrði yngsta soninn til Akureyrar (dagurinn byrjaði á akstri til baka frá Akureyri). Síðan eru hér nokkur mál á skrifborðinu sem ekki þola bið. Ætli ég fari ekki bara út í sólina í og fái mér feitan hádegisverð,“ segir Sveinn Andri Sveinsson lögmaður sem fagnar 50 ára afmæli sínu í dag.

Um þessar mundir er Sveinn Andri að æfa sig fyrir Reykjavíkurmaraþonið en hann stefnir á að hlaupa heilt maraþon sem eru 42 km.

„Svo er að vekja unglinginn á heimilinu og koma honum á æfingu. Ég stefni að því að hlaupa góða vegalengd í tilefni dagsins og ekki væri verra ef fólk myndi nú í tilefni dagsins henda inn litlu áheiti fyrir Styrktarfélag krabbameinssjúkra barna á hlaupastyrkur.is.“

Þegar hann er spurður að því hvort hann ætli ekki að halda veislu segir hann að það þurfi að bíða betri tíma enn um sinn.

„Ég man eftir því þegar ég var lítill hvað það var oft erfitt að vera með afmælisveislu því allir krakkarnir voru í sveit. Og þar sem svo margir félagar mínir eru í laxveiði, í bústað eða erlendis held ég kannski gott partý í september - ef ég nenni.“

Tengdar fréttir

Reykjavíkurmaraþon

Hægðalosandi smakk óhentugt fyrir hlaup

• Tíðavörur eigi að vera jafn aðgengilegar og klósettpappír
• Ræsir maraþonið og bakar vöfflur
• 14.300 hlauparar skráðir í Reykjavíkurmaraþonið
• Hleypur í minningu litlu systur sinnar

» Fleiri tengdar fréttir

• Blogga um frétt