Brúðkaup Gylfa Þórs Sigurðssonar og Alexöndru Helgu Ívarsdóttur fór fram við Como-vatn á Ítalíu í gær eins og greint hefur verið frá á mbl.is.
Ítalir eru þekktir fyrir matarmenningu sína og fór brúðkaupið fram á Villa Balbiano sem er vinsæll brúðkaupsstaður. Það voru hin svegar ekki innlendir kokkar sem kokkuðu ofan í brúðkaupsgesti heldur Þráinn Freyr Vigfússon verðlaunakokkur og eigandi Sumac og hans fylgdarlið.
Sumac er einn vinsælasti veitingastaðurinn á Íslandi en hann sækir innblástur til Mið-Austurlanda og Miðjarðarhafsins.
„Þráinn Freyr Vigfússon og Hafsteinn Ólafsson, Kokkur ársins 2017, hafa hannað hrjúfan og fágaðan matseðil með sterkum innblæstri frá seiðandi stemningu Beirút í Líbanon og tælandi áhrifum frá Marokkó,“ segir á heimasíðu Sumac.