Rithöfundaparið Jón Kalman Stefánsson og Sigríður Hagalín Björnsdóttur eru nú hjón. Þau létu pússa sig saman í gær og var því fagnað af öllu hjarta í Iðnó við Tjörnina.
Parið hefur verið saman um nokkurra ára skeið en Smartland sagði frá því síðla árs 2019 að þau væru saman í rithöfundaferð í Þýskalandi.
Fyrir ári síðan festu þau kaup á tveimur glæsilegum íbúðum við Bjarkagötu í Reykjavík en íbúðirnar voru áður í eigu Stuðmanns allra landsmanna, Jakobs Frímanns Magnússonar. Áður höfðu þau búið hvort í sinni íbúðinni í Vesturbænum.
Nánustu vinir og fjölskylda fögnuðu með Jóni og Sigríði. Hún var glæsileg á brúðkaupsdaginn og skartaði vel krulluðu hári. Hún klæddist sægrænum síðkjól með doppóttu munstri. Kjóllinn er með síðum og víðum ermum og tekinn saman í mittinu. Jón var í klassískum svörtum jakkafötum.
Smartland óskar þeim hjartanlega til hamingju með brúðkaupið og ástina!