Tónlistarkonan Doja Cat er nú að jafna sig eftir að hafa gengist undir lýtaaðgerð, en hún fór nýlega í fitusog og brjóstaminnkun. 

Cat greindi frá þessu á Twitter á mánudaginn þar sem hún upplýsti aðdáendur sína að hún væri á batavegi. „Mér líður allt í lagi. Ég fór í fitusog svo mér verkjar mjög í lærin ef ég hreyfi mig of mikið. En ég er að jafna mig mjög hratt,“ tísti hún. 

Þá útskýrði hún einnig fyrir aðdáanda sem gerði ráð fyrir því að hún hafi farið í fituflutning að hún hefði einungis látið fjarlægja fitu, ekki sett hana á annað svæði. Þá sagði hún að brjóstin á henni hefðu verið minnkuð niður í stærð 32C.

Tónlistarkonan gerir ráð fyrir að bataferlið taki þrjá mánuði. Hún virðist þegar vera ánægð með árangurinn ef marka má tíst hennar síðustu daga. 

Tengdar fréttir

Fegrunaraðgerðir

Bótox-sprautur bæta ekki sálarháska fólks

• „Ég vil ekki sofa hjá neinum“
• Neitar því að hafa farið í fegrunaraðgerðir
• Sér eftir fyllingarefnum sem hún fékk sér ung
• Gyða lét fjarlægja brjóstapúðana og öðlaðist nýtt líf

» Fleiri tengdar fréttir

• Blogga um frétt