Einn ástsælasti leikari þjóðarinnar, Hilmir Snær Guðnason, býr í húsi við Lindargötu í Reykjavík sem er í eigu Félags íslenskra listamanna. Hilmir Snær virðist ekki vera með þinglýstan leigusamning við FÍL ef marka má opinber gögn. 

Þegar blaðamaður spurðist fyrir um búsetu Hilmis Snæs í húsinu sagði Hrafnhildur Theodórsdóttir, framkvæmdastjóri FÍL, að tvær íbúðir í húsinu hafi verið í útleigu í áratugi á almennum leigumarkaði. Hún tók það fram að þær væru auglýstar þegar þær losnuðu.

Félag íslenskra listamanna, FÍL, er með aðsetur í húsinu en félagið heldur utan um kaup og kjör leikara, dansara, danshöfunda, leikmynda-og búningahönnuða, söngvara og listnema í sviðslistum og eru félagar um 500 talsins. 

Í gögnum um Lindargötu 6 kemur fram að tveir ótímabundnir húsaleigusamningar séu í gildi. Annar er frá árinu 2016 og hinn frá árinu 2008. Annar samningurinn er skráður á nafngreinda konu sem er með lögheimili í húsinu og hinn er skráður á nafngreinda konu sem er ekki með lögheimili í húsinu. 

Húsið við Lindargötu er skráð 301,3 fm einbýli og hefur verið í eigu FÍL síðan 19. júní 1992. 

Tengdar fréttir

Heimili

Steinbergur hefur staðið í miklum breytinum en nú er húsið komið á sölu

• Einn launahæsti fasteignasali landsins leigir út höll sína í Kópavogi
• 280 milljóna fúnkís-höll við Sunnuveg
• Fimm fantaflottar eignir í 101 Reykjavík
• Sunna Dögg selur sjarmerandi eign í Vatnsholti

» Fleiri tengdar fréttir

• Blogga um frétt