Skyggði á brúðina í hálfrar milljón króna kjól

Fataval Meghan hertogaynju af Sussex vekur jafnan mikla athygli.
Fataval Meghan hertogaynju af Sussex vekur jafnan mikla athygli. AFP

Meghan Markle hertogaynja af Sussex var einungis gestur í brúðkaupi um helgina en kjóll hennar vakti þó meiri athygli en kjóll brúðarinnar. Meghan mætti með Harry í brúðkaup frænku hans í rándýrum kjól frá Oscar de la Renta. 

Kjóllinn sem var síður hvítur kjóll með bláum blómum kostar 3.922 pund á vefversluninni Moda Operandi  eða rúmlega 560 þúsund íslenskar krónur.

Á meðan mörgum finnst kjóllinn guðdómlegur var tískulögga Daily Mail ekki ánægð með fataval hertogaynjunnar. Fannst henni líkami Meghan týnast í kjólnum og þótt að Meghan liti vel út í hverju sem er þá finnst henni eins og kjóllinn mætti vera þrengri í mittið, í bjartari lit og í minni stærð. Auk þess fannst henni munstrið á kjólnum minna meira á Lauru Ashley en Oscar de la Renta. 

Hatturinn sem Meghan skartaði kostaði þó mun minna en hann er frá verslunarkeðjunni Marks & Spencer eins og Daily Mail fékk staðfest og kostar hatturinn ekki nema tæp 30 pund eða tæpar 4.500 íslenskar krónur. 

Kjóllinn sem Meghan klæddist er frá Oscar de la Renta.
Kjóllinn sem Meghan klæddist er frá Oscar de la Renta. Ljósmynd/Moda Operandi
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál