Ertu að borða varalitinn?

Veltirðu því fyrir þér hvað varð um varalitinn sem þú settir á í morgun og ert búin að setja hann á þig 8 sinnum síðan þá? Konur innbyrða að jafnaði tvö til fjögur kíló af varalit yfir ævina og þá er nú betra að tryggja að varaliturinn haldist á sínum stað. Hér fyrir neðan eru góð ráð til þess að tryggja betri endingu varalitarins og hvaða vörur eru sniðugar til að nota.

Grunnur

Til að láta varalitinn endast sem best notum við gjarnan mattari varaliti því þeir renna síður til en á sama tíma geta þeir verið þurrkandi fyrir varirnar með langtímanotkun. Höldum vörunum mjúkum með því að skrúbba þær létt með varaskrúbbi eða volgum þvottapoka og berum á þær nærandi varasalva en gættu þess þó að varirnar séu ekki löðrandi því það kann að eyðileggja áhrif langvarandi varalita. Þessa dagana nota ég mikið Inika Organic-varasalvann og Inika Organic Lip Tint sem er í raun varasalvinn en með smá lit. Formúlan inniheldur piparmyntu og mér finnst varirnar verða voðalega djúsí.

Inika Organic Lip Balm og Inika Organic Lip Tint.
Inika Organic Lip Balm og Inika Organic Lip Tint.

Varalitablýantur

Kremaðir og langvarandi varalitablýantar eru þinn besti vinur þegar kemur að því að halda varalitnum á sem lengst. Sjálf er ég reyndar farin að nota varalitablýanta eina og sér sem varalit, skelli smá varasalva yfir til að jafna út litinn og þá er ég komin með frábæran varalit sem endist lengi og ég get mótað varirnar á sama tíma. GOSH The Ultimate Lip Liner er í miklu uppáhaldi því hann er ódýr, litirnir fallegir og formúlan mjúk. Ég hef líka áður skrifað um Urban Decay 24/7 Glide-On Lip Pencil en ég á hann sennilega í öllum litum og nota þá sem varaliti. Nýlega kom svo MAC með á markað línu sem nefnist Liptensity og inniheldur hún 18 varaliti og varalitablýanta í stíl. Frábærir litir og formúla sem helst lengi á og færir okkur ákafan lit.

GOSH The Ultimate Lip Liner.
GOSH The Ultimate Lip Liner.
Urban Decay 24/7 Glide-On Lip Pencil.
Urban Decay 24/7 Glide-On Lip Pencil.
MAC Liptensity Lip Pencil.
MAC Liptensity Lip Pencil.

Mattir varalitir

Síðustu tvö árin hafa mattir varalitir átt snyrtiheiminn og ég held að hluti af þeirri ástæðu sé vegna þess að þeir haldast mun betur og lengur á en glossaðir varalitir. Sömuleiðis er hægt að leika sér meira með þá og gera þá glossaðri ef maður vill. Hinir nýju Joli Rouge Velvet Matte-varalitir frá Clarins eru einnig sérlega góðir og þurrka ekki varirnar þótt þeir séu með matta áferð og get ég líka mælt með MAC Liptensity-varalitunum sem eru sérlega litmiklir, langvarandi og auðvelt að leika sér með þá.

Clarins Joli Rouge Velvet Matte.
Clarins Joli Rouge Velvet Matte.
MAC Liptensity Lipstick.
MAC Liptensity Lipstick.

Fljótandi varalitir

Ef þú vilt fara alla leið í að nota varalit sem haggast ekki væri upplagt að prófa fljótandi varaliti en þeir eru mjög mattir og ef þú grunnar ekki varirnar, eins og talað var um í byrjun greinarinnar, kunna þeir að molna á vörunum og gera þær þurrar ásýndar. Það eru tveir fljótandi varalitir sem ég er hvað mest hrifin af og ber fyrst að nefna Guerlain Intense Liquid Matte. Einhvern veginn tókst franska snyrtihúsinu að fullkomna þess hugmynd um fljótandi varalit og á einhvern ótrúlegan hátt eru varirnar fullkomlega rakamettaðar með þessari formúlu. Svo er það Chanel Rouge Allure Ink en þessi formúla er ekki jafnþurr og mött og margar aðrar en hún er mun þægilegri.

Guerlain Intense Liquid Matte.
Guerlain Intense Liquid Matte.
Chanel Rouge Allure Ink.
Chanel Rouge Allure Ink.

Lífrænir varalitir

Lífrænir varalitir eru alltaf að verða vinsælli því þeir eru byrjaðir að koma í fallegri og fleiri litum og flottari umbúðum. Ef þú hefur áhyggjur af því að þú sért að borða of mikinn varalit er spurning um að nota þá varalit sem faktískt má borða. Flestir varalita minna koma frá ILIA Beauty sem er lífrænt snyrtivörumerki eru varalitir sérstaða þess að mínu mati. Dr. Hauschka og Lavera framleiða einnig góða lífræna varaliti.

ILIA Beauty Lipstick.
ILIA Beauty Lipstick.
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál