Rose Byrne sem sló meðal annars í gegn í Braidsmaids skartaði nýjum hárlit á dögunum. Leikkonan sem er þekkt fyrir brúnt og fallegt hár kom á óvart þegar hún mætti á frumsýningu í New York í vikunni með ljósa lokka.
Ekki er langt síðan Byrne var dökkhærð en ekki er vitað af hverju leikkonan litaði á sér hárið. Hvort það sé vinnutengt eða þetta hafi verið ákveðið í einhverju flippi er ekki á hreinu. Það er reyndar ekki óalgengt að fólk breyti um hárstíl þegar ný árstíð skellur á og munu ljósu lokkarnir örugglega lífga upp á haustið hjá Byrne.