Samfélagsmiðlastjarnan Kylie Jenner er yfirleitt með puttann á púlsinum þegar kemur að tísku. Á dögunum klæddist hún sundbol með kúa-mynstri. Jenner birti mynd af sér í sundbolnum sitjandi á snekkju, en hún var á ferðalagi með fjölskyldu sinni og vinum.
Hlébarðamynstruð föt hafa verið í tísku síðustu misseri, en það er aldrei að vita hvort kúa-mynstrið muni skáka því.
Sundbolinn er hægt að kaupa á vefsíðunni Onia.com sem sendir til Íslands. Hann er þó ekki af ódýrari gerðinni, en með sendingargjöldum kostar hann 236 Bandaríkjadali, eða um 28 þúsund íslenskar krónur.