Snákaskinnsmynstur komst nýlega í tísku og eru tískuspekúlantar sammála um að heitustu skórnir í dag séu skór með snákaskinnsmynstri. Þegar sjálf tískudrottningin Anna Wintour hefur sést í slíkum skóm má fólk hætta að velta því fyrir sér hvort skórnir eru flottir eða ekki.
Skór með litlum hæl, ökklastígvél eða há stígvél, það skiptir ekki máli hvernig skórnir eru svo lengi sem þeir eru með snákaskinnsmynstri. Hefðbundnir gráir og svartir tónar eru vinsælastir en svo eru þeir til sem taka tískuna skrefinu lengra og eru í mynstrinu í lit.
Anna Wintour sást á tískuvikunni í New York í stígvélum með mynstrinu en í sömu viku var einn frægasti tískubloggari í heimi mynduð í svipuðum stígvélum en bara bláum.