Það er ekki hægt að segja um Katrínu hertogaynju að hún noti ekki fötin sín. Katrín kann svo sannarlega að velja sér skó, en hún hefur mætt í sandölum með fylltum hæl á fjóra viðburði í sumar. Skórnir eru ekki bara flottir heldur passa þeir við fjóra mismunandi kjóla en ekki er hægt að segja það sama um marga aðra skó.
Umræddir skór eru frá Castaner og kosta 130 Bandaríkjadali eða rúmar 16 þúsund krónur íslenskar, sem er ásættanlegt verð miðað við notagildi.
Katrín klæddist skónum fyrst í maí þegar hún sýndi drottningunni garðinn sem hún hannaði. Næst mátti sjá hana í skónum á ljósmyndanámskeiði fyrir unga krakka. Viku seinna klæddist hún skónum aftur í garðveislu. Nú síðast var hún í skónum á Polo-leik sem eiginmaður hennar og mágur tóku þátt í.
Af þessu má draga þá ályktun að skórnir eru tilvaldir við hin ýmsu tilefni þar sem gras kemur annars vegar, enda ómögulegt að vera í pinnahælum á grasinu.