Gregory Russel, hárgreiðslumaðurinn sem gerði hárið á Demi Moore óaðfinnanlegt á forsíðu Harper's Bazaar, er með einfaldar leiðir til að gera hárið fallegt. Sjálfur hefur hann aldrei litað á sér hárið.
Það sem Russell leggur áherslu á er einfalt: að fara reglulega til fagfólks og að fjárfesta í góðum hárvörum, þá helst sjampói og næringu. Ef konur eiga góða hárfroðu, þá segir hann eftirleikinn auðveldan.
Þegar kemur að nýjustu tísku segir hann að náttúrulegt hár, óblásið og/eða fallega liðað sé vinsælt í dag. Hárlitur sem minnir á náttúrulegan hárlit þinn og passar við húðina sé ómissandi. Hann mælir með því að fara alltaf til fagfólks þegar kemur að breytingum á hári.
Russell þykir með fallegt hár sjálfur sem hann klippir sjaldan og litar aldrei. Það sem kemur mörgum á óvart er að hann þvær hárið á sér einvörðungu tvisvar í viku en er duglegur að næra það með allskonar olíum inni á milli.
Það sem hann leggur hvað mestu áhersluna á sjálfur er að hárið ilmi sem best.
Hann notar hármaska en varan sem hann getur ekki verið án er hárfroða. Hann segir hárfroðu hjálpa til við að viðhalda stílnum sem hann mótar í hárið hverju sinni. Hárfroða gerir það að verkum að hárið helst í þeim stíl sem því er ætlað og viðhelst þannig út daginn.