Sænsku prinsessurnar voru svo sannarlega eins og klipptar út úr ævintýri á afhendingu Nóbelsverðlaunanna í bókmenntum og vísindum í Stokkhólmi í Svíþjóð.

Viktoría krónprinsessa, Madeleine prinsessa og mágkona þeirra Sofia prinsessa geisluðu í gríðarlega fallegum kjólum í Stokkhólmi.

Viktoría var í svörtum og hvítum kjól frá sænska hönnuðinum Selam Fessahaye. Madeleine gerði sér ferð alla leið frá Flórída í Bandaríkjunum til að vera viðstödd afhendinguna. Hún klæddist bleikum hlýralausum Barbie-kjól. 

Sofia var í einstaklega fallegum bláum kjól með kórónuna sem hún fékk að gjöf fyrir brúðkaup sitt árið 2015. Búið var að bæta bláum steinum í kórónuna sem passaði einstaklega vel við kjólinn hennar.