Það þurfa ekki allir að vera með ljóta hágreiðslu næstu vikur eins og hárgreiðslukonan Heidi Lee Oley í Bandaríkjunum sýndi fram á. Hún hefur lítið að gera á meðan hárgreiðslustofu hennar er lokað vegna kórónuveirufaraldursins. Hárgreiðslukonan flúði upp í bústað með kærastanum og hefur drepið tímann með því að greiða honum á fjölbreyttan og skemmtilegan hátt að því fram kemur á vef Bored Panda.
Hárið er það sem Lee Oley tók fyrst eftir þegar hún hitti kærasta sinn fyrir tveimur og er hún ekki óvön að fikta í hári hans á meðan hann er í tölvunni. Lee Oley sérhæfir sig í hárlitun og eru flóknar hárgreiðslur ekki hennar sérsvið en hún hefur þó verið að prófa sig áfram.
Fyrst gerði Lee Oley hárgreiðslu í anda George Washington, fyrsta forseta Bandaríkjanna í hár kærasta síns. Hún birti myndir af netinu, fékk góð viðbrögð og ákvað að halda áfram að prófa sig áfram. Eina hárgreiðsludótið sem hún tók með sér var krullujárn þannig að undanförnu hefur hún verið að nota hárgreiðsludót sem hún hefur keypt út í búð. Eins og sjá má á myndunum sem hún birti á Instagram hefur henni tekist ágætlega til.