Charlene prinsessa af Mónakó hefur aldrei verið hrædd við að breyta um hárgreiðslu. Mesta athygli vakti þegar hún rakaði helminginn af hárinu af sér. Hún er þó jafnan stuttklippt með aflitað hár. 

Að þessu sinni hefur hún valið að skarta mun dekkra hári en áður og leyft því aðeins að vaxa. Áherslurnar eru mun mýkri og hlýlegri og förðunin endurspeglar þessar breyttu áherslur. 

Charlene er mikil tískufyrirmynd og allir veita því eftirtekt hverju hún klæðist eða þegar hún stígur út fyrir kassann hvað útlitið varðar. Hún þótti sérstaklega glæsileg á verðlaunaafhendingu á sjónvarpshátíðinni í Monte Carlo á dögunum. Þá var hún í dökkbláum skyrtukjól frá Akris með forláta síða demantseyrnalokka sem gerðu mikið fyrir heildarútlitið.