Viktor Heiðdal Andersen, hjúkrunarfræðingur á Landspítalanum, hefur orðið fyrir miklum fordómum vegna útlits síns. Hafa sumir gengið svo langt að telja hann vanhæfan í starfi fyrir það eitt hvernig hann kýs að líta út og sagt hann draga niður stétt hjúkrunarfræðinga sökum útlitsins.

Viktor er gestur í Dagmálum og ræðir við Ásthildi Hannesdóttur um fegrunaraðgerðir og fordóma í garð þeirra. 

Með harðan skráp á skjön við staðalímyndir

„Ég þekki það sérstaklega vel að vera misskilinn, lítandi svona út, verandi hjúkrunarfræðingur og vinnandi á Landspítalanum,“ segir Viktor sem hefur oftar en einu sinni þurft að sanna sig fyrir fólki bæði í leik og starfi.

„Mér finnst gott að geta „proof people wrong“,“ segir hann og er stoltur af því að vera samkvæmur sjálfum sér og á skjön við staðalímyndir.

Viktor starfar sem hjúkrunarfræðingur á Landspítalanum. mbl.is/Árni Sæberg

„Ég elska gamalt fólk“

Viktori er mjög annt um starf sitt sem hjúkrunarfræðingur og brennur fyrir málefni aldraðra, enda hefur hann sérstakt lag á eldri borgurum.

„Þegar ég var að vinna á hjúkrunarheimili lengi þá datt fólki það aldrei í hug að það starf myndi henta mér. Það hélt ég væri bara einhver dekurprinsessa og væri of góður fyrir þessi störf,“ lýsir hann og segir marga hafa þurft að éta þær hugmyndir ofan í sig. 

„Ég hef heyrt það frá nýjum vinum sem hafa kynnst mér í gegnum tíðina, bara „þú ert allt annar en ég hélt“,“ segir Viktor sem telur sig vel liðinn í starfi sínu á hjarta-, lungna- og augndeildinni á Landspítalanum. 

Smelltu hér til að hlusta eða horfa á þáttinn í heild sinni. 

Tengdar fréttir

Dagmál

Hvaða erindi á kristni í nútímasamfélagi?

• Birgjum Príss hótað í blóðugri samkeppni
• „Mun enginn skaðast af því að læra sínar bænir“
• „Ég kom aðeins þéttari heim frá Spáni“
• Þungunarrof eftir heimsleika: „Tók mér langan tíma í að syrgja“

» Fleiri tengdar fréttir

• Blogga um frétt