Ofurfyrirsætan Heidi Klum og 19 ára gömul dóttir hennar Leni Klum sátu aftur fyrir í auglýsingaherferð ítalska undirfatarisans Intimissimi á dögunum, en nú með jólaívafi. Klum-mæðgurnar klæðast rauðum og svörtum blúndu nær- og náttfatnaði í nýjustu herferð Intimissimi. Báðar hafa þær hlotið töluverða gagnrýni fyrir fyrri herferðir, en mörgum þótti myndefnið óviðeigandi og gróft, sérstaklega fyrir mæðgur.
Þrátt fyrir gagnrýnina hafa Klum-mæðgurnar haldið samstarfi sínu við undirfatarisann áfram og deildu báðar myndum úr nýjustu auglýsingaherferðinni á Instagram í gærdag.
„O Tannenbaum, O Tannenbaum...Ég elska nýju Intimissimi-jólaherferðina okkar. Fáðu þér eitthvað fallegt fyrir hátíðirnar."