Blikar enn án sigurs í deildinni

Fylkir og Breiðablik mættust í 7. umferð úrvalsdeildar karla í knattspyrnu, Pepsi-deildarinnar, á Fylkisvellinum í kvöld og urðu lokatölur 1:1.

Fylkismenn skoruðu fyrsta mark leiksins en það gerði bakvörðurinn Elís Rafn Björnsson á 14. mínútu.

Blikar sóttu hins vegar í sig veðrið og voru ívið sterkari það sem eftir lifði hálfleiks. Á 30. mínútu uppskáru Blikar þegar að hinn sparkvissi Guðjón Pétur Lýðsson tók aukaspyrnu vinstra megin við teigshornið og þrumaði knettinum í markið. Bjarni Þórður hefði mögulega átt að gera betur, en spyrnan var gríðarlega föst.

Niðurstaðan verður að teljast sanngjörn. Blikar voru sterkari fyrri hluta seinni hálfleiksins en Fylkismenn þjörmuðu mjög að þeim á lokamínútunum en tókst ekki að pota boltanum í netið.

Fylgjast má með öllu sem gerist í leikjum kvöldsins í ÍSLENSKI BOLTINN Í BEINNI.

Fylkir	1:1	Breiðablik	Opna lýsingu Loka
90. mín. Oddur Ingi Guðmundsson (Fylkir) fær gult spjald
Augnablik — sæki gögn...

• Blogga um frétt