Íslenska karlalandsliðið í knattspyrnu, skipað leikmönnum 21 árs og yngri mátti sætta sig við tap fyrir Mexíkó á alþjóðlegu móti sem haldið er í Kína.
Mexíkóar sigruðu 2:0 en leikurinn fór fram í Chongqing í morgun en þá var klukkan 15 að staðartíma. Um var að ræða fyrsta leik Íslands í mótinu og á liðið eftir að mæta Kína á laugardaginn og Tælandi á mánudaginn.
Fyrirkomulagið er frjálslegra en í mótsleikjum og notaði landsliðsþjálfarinn Eyjólfur Sverrisson átta innáskiptingar í leiknum.
Byrjunarlið Íslands
Daði Freyr Arnarsson
Alfons Sampsted
Sigurður Arnar Magnússon
Axel Óskar Andrésson
Felix Örn Friðriksson
Júlíus Magnússon (F)
Alex Þór Hauksson
Willum Þór Willumsson
Kristófer Ingi Kristinsson
Mikael Neville Anderson
Sveinn Aron Guðjohnsen
Inná sem varamenn komu Stefán Teitur Þórðarson, Daníel Hafsteinsson, Ægir Jarl Jónasson, Guðmundur Andri Tryggvason, Hörður Ingi Gunnarsson, Aron Már Brynjarsson, Jónatan Ingi Jónsson og Birkir Valur Jónsson.