Jón Guðni farinn til Rússlands

Jón Guðni Fjóluson í leik með íslenska landsliðinu.
Jón Guðni Fjóluson í leik með íslenska landsliðinu. AFP

Jón Guðni Fjóluson verður ekki með íslenska karlalandsliðinu í knattspyrnu í vináttuleiknum gegn Katar í kvöld.

Frá þessu er greint á vefsíðunni fótbolti.net en Jón Guðni er farinn til Rússlands vegna veikinda í fjölskyldu hans. Hann leikur með rússneska liðinu Krasnodar.

Jón Guðni lék allan tímann í leiknum á móti Belgum í Þjóðdeild UEFA í Brussel í síðustu viku og átti góðan leik en íslenska liðið lék með þrjá miðverði í leiknum og mun gera það aftur í kvöld.

mbl.is
Fleira áhugavert
Fleira áhugavert