Svipað þegar við lentum í Konya

Aron Einar Gunnarsson, landsliðsfyrirliði karliðsins í fótbolta, sat fyrir svörum ásamt Erik Hamrén, landsliðsþjálfara á Laugardalsvelli í dag fyrir leikinn við Tyrkland í undankeppni EM á morgun. 

Frétt af mbl.is

Hver er með uppþvottaburstann?

Tyrkir voru allt annað en sáttir við móttökurnar sem biðu þeim í Keflavík þegar þeir lentu í gærkvöldi. Þeir þurftu að bíða lengi við öryggishlið. Aron Einar Gunnarsson rifjaði upp á fundinum að íslenska liðið þurfti að gera slíkt hið sama þegar það lenti í Konya í Tyrklandi í undankeppni EM 2016. 

„Ég man þegar við lentum í Konya, það var svipað. Við vorum lengi í gegnum öryggishliðið. Ég veit hins vegar lítið um þetta burstamál og ég hef voða lítið um það að segja," sagði Aron þegar hann var spurður út í atvik á flugvellinum í Keflavík í gær, en uppþvottabursta var beint að Emre Belözoglu, fyrirliða Tyrkja, þegar hann gekk á flugvellinum. 

Frétt af mbl.is

Tyrkir óhressir í Leifsstöð

Landsliðsþjálfarinn vildi ekkert tjá sig um atvikið. „Ég einbeiti mér að fótboltanum og ég vil ekki tjá mig um þetta. Þú verður að spyrja einhvern annan," sagði Erik Hamrén. 

• Blogga um frétt