Powell farin frá Selfossi

Bandaríski framherjinn Darian Powell er farin frá Selfossi eftir að félagið ákvað að rifta samningi sínum við leikmanninn. Powell kom til félagsins fyrir tímabilið en skoraði aðeins eitt mark í fimm leikjum hér á landi. 

„Við eigum okkar heimastelpur sem að munu fá sénsinn og verða að stíga upp," sagði Alfreð Elías Jóhannsson í samtali við fotbolti.net í dag. „Þetta var bara ekki að falla með henni. Við ætlum ekki að bíða eftir því að hún hrökkvi í gang, bætti hann við. 

Selfoss er í sjötta sæti Pepsi Max-deildar kvenna með sex stig eftir sex leiki. 

• Blogga um frétt