Jeffs og Andri stýra ÍBV út tímabilið

Andri Ólafsson og Ian Jeffs munu stýra liði ÍBV út …
Andri Ólafsson og Ian Jeffs munu stýra liði ÍBV út þetta tímabil. Ljósmynd/ÍBV

Ian Jeffs og Andri Ólafsson munu stýra knattspyrnuliði ÍBV út tímabilið en þetta kemur fram á heimasíðu félagins. Þeir Jeffs og Andri taka við liðinu af Pedro Hipólito sem var rekinn frá félaginu fyrr í þessum mánuði en Jeffs verður aðalþjálfari liðsins og Andri mun aðstoða hann.

ÍBV hefur ekki gengið vel það sem af er sumri en liðið er í neðsta sæti úrvalsdeildarinnar, Pepsi Max-deildarinnar, með einungis 5 stig eftir fyrstu ellefu umferðirnar og er sem stendur sjö stigum frá öruggu sæti.

Jeffs og Andri stýrðu liðinu í síðasta leik gegn KR á Hásteinsvelli þar sem Vesturbæingar fóru með sigur af hólmi, 2:1, en þeir þekkja báðir vel til hjá félaginu. Jeffs var aðstoðarmaður Hipólito og Andri Ólafsson hefur áður verið í þjálfarateymi liðsins.

mbl.is
Fleira áhugavert
Fleira áhugavert