Gary Martin er kominn á fleygiferð í baráttuna um markakóngstitil úrvalsdeildar karla í fótbolta 2019 eftir að hafa skorað þrennu fyrir ÍBV í 6:4 ósigrinum gegn FH í gær.
Martin hefur því gert sjö mörk í síðustu fjórum leikjum ÍBV og samtals 11 mörk í deildinni en tvö þau fyrstu gerði hann fyrir Val í vor. Martin hefur því náð Hilmari Árna Halldórssyni sem er með 11 mörk fyrir Stjörnuna og er einu marki á eftir Thomas Mikkelsen sem er markahæstur í deildinni með 12 mörk fyrir Breiðablik.