Ísland og Andorra eigast við í undankeppni Evrópumóts landsliða í knattspyrnu á Laugardalsvellinum klukkan 18.45 í kvöld.
Ísland og Andorra hafa mæst sex sinnum áður og hafa Íslendingar unnið allar viðureignir þjóðanna með samanlagðri markatölu 16:0.
Andorra vann sögulegan sigur á föstudagskvöldið en þá hafði liðið betur gegn Moldóvu 1:0. Þetta var fyrsti sigur Andorra í undankeppni EM frá upphafi en fyrir leikinn gegn Moldóvu hafði Andorra tapað öllum 56 leikjum sínum.
Leikir Íslands og Andorra
1999 Andorra - Ísland 0:2 (Eyjólfur Sverrisson, Steinar Adolfsson)
1999 Ísland - Andorra 3:0 (Þórður Guðjónsson, Hermann Hreiðarsson, Eiður Smári Guðjohnsen)
2002 Ísland - Andorra 3:0 (Eiður Smári Guðjohnsen, Ríkharður Daðason 2)
2010 Ísland - Andorra 4:0 (Heiðar Helguson 2, Veigar Páll Gunnarsson, Kolbeinn Sigþórsson)
2012 Andorra - Ísland 0:2 (Jóhann Berg Guðmundsson, Rúnar Már Sigurjónsson)
2019 Andorra - Ísland 0:2 (Birkir Bjarnason, Viðar Örn Kjartansson)