Jón Þór Hauksson, þjálfari íslenska kvennalandsliðsins í knattspyrnu, hefur valið byrjunarlið Íslands sem mætir Svíþjóð í undankeppni EM á Laugardalsvelli klukkan 18:00.
Þjálfarinn stillir upp sama byrjunarliði og vann 9:0-sigur gegn Lettlandi í undankeppninni á fimmtudaginn.
Sandra Sigurðardóttir er í markinu og þær Glódís Perla Viggósdóttir og Ingibjörg Sigurðardóttir eru miðverðir. Gunnhildur Yrsa Jónsdóttir og Hallbera Guðný Gísladótti eru bakverðir.
Sara Björk Gunnarsdóttir, Dagný Brynjarsdóttir og Alexandra Jóhannsdóttir eru á miðjunni og Sveindís Jane Jónsdóttir og Karólína Lea Vilhjálmsdóttir eru á köntunum. Elín Metta Jensen er svo í fremstu víglínu.
Byrjunarlið Íslands:
Sandra Sigurðardóttir
Gunnhildur Yrsa Jónsdóttir
Ingibjörg Sigurðardóttir
Glódís Perla Viggósdóttir
Hallbera Guðný Gísladóttir
Alexandra Jóhannsdóttir
Sara Björk Gunnarsdóttir
Dagný Brynjarsdóttir
Karólína Lea Vilhjálmsdóttir
Elín Metta Jensen
Sveindís Jane Jónsdóttir