Kristinn Steindórsson skoraði þrennu fyrir Breiðablik þegar liðið vann 5:2 sigur á Keflavík í riðli 1 í A-deild Fótbolta.net mótsins í knattspyrnu karla í dag.
Staðan var 2:0 í leikhléi og skoraði Kristinn bæði mörk Breiðabliks í fyrri hálfleiknum.
Hann bætti svo við þriðja marki sínu er hann kom Blikum í 5:1. Keflvíkingar minnkuðu muninn skömmu síðar og 5:2 því niðurstaðan.
Úrslit og hluti markaskorara eru fengnir af Úrslit.net.