Aga- og úrskurðarnefnd KSÍ hefur vísað frá kæru KV úr Reykjavík sem taldi sig eiga að halda sæti sínu í 1. deild karla eftir að KSÍ hafnaði þátttökutilkynningu Kórdrengja um að leika í deildinni á Íslandsmótinu 2023.
KSÍ tilkynnti í kjölfarið að Ægir, sem hafnaði í þriðja sæti 2. deildar 2022, myndi taka sæti Kórdrengja í 1. deild.
KV, sem endaði í 11. sæti 1. deildar í fyrra og féll þar með úr deildinni, taldi sig eiga rétt á að halda sætinu vegna ákvæðis í reglugerð um leyfiskerfi KSÍ.
Aga- og úrskurðarnefnd vísar málinu frá og segir m.a. í úrskurðinum að málatilbúnaði kæranda sé þannig háttað að ekki verði hjá því komist að vísa málinu frá í heild.
Úrskurður aga- og úrskurðarnefndar