Knattspyrnumaðurinn Sigurður Bjartur Hallsson er á förum frá KR eftir tæplega tveggja ára dvöl í Vesturbæ.
Fótbolti.net greinir frá því að Sigurður Bjartur sé á förum og að öllum líkindum á leið til Fylkis.
Hann er 24 ára gamall sóknarmaður sem hefur skorað níu mörk í 45 leikjum fyrir KR á tveimur tímabilum í Bestu deildinni.
Áður hafði Sigurður Bjartur leikið með uppeldisfélagi sínu Grindavík, þar sem hann lék 16 leiki í efstu deild og skoraði tvö mörk.