Ísland náði í fín úrslit gegn Kanada
Setja bókamerki
Ísland og Kanada gerðu markalaust jafntefli í vináttulandsleik þjóðanna í knattspyrnu kvenna á Pinatar-vellinum í Murcia á Spáni klukkan í kvöld.
Þetta var fyrri leikur Íslands af tveimur í Murcia en á þriðjudaginn mætir Ísland Danmörku.
Landslið Kanada er gríðarlega sterkt og í sjötta sæti heimslistans, sjö sætum ofar en Ísland.
Fyrri hálfleikurinn var jafn en Kanada fékk aðeins betri færi.
Í seinni hálfleik fékk Karólína Lea Vilhjálmsdóttir langbesta færi leiksins þegar hún fékk sendingu beint á sig frá Lysianne Proulx markverði Kanada.
Karólína var ein gegn Proulx en markvörðurinn sá við henni með góðri vörslu.
Sveindís Jane Jónsdóttir og Hlín Eiríksdóttir ógnuðu marki Kanada á lokamínútum leiksins en inn vildi boltinn ekki.
Allt í allt var leikurinn heldur lokaður og vörðust bæði lið vel. Íslenska liðinu gekk þó ekki að halda mikið í boltann og voru spilkaflarnir fáir. Þó þegar landsliðkonurnar náðu að tengja saman nokkrar sendingar urðu góð færi til.
Varnarleikur íslenska liðsins er hins vegar orðinn afskaplega traustur, sem sannaðist í fáum góðum færum kanadíska liðsins. Cecilía Rán Rúnarsdóttir var örugg í markinu og stýrði vörninni fyrir framan sig vel.
Aðrir virkir leikir
| Holland | 27:25 | Ísland |
|
|---|---|---|---|
| Holland tekur leikhlé Mínúta eftir en Hollendingar vilja ræða saman. | |||
| Fram | 29:30 | FH |
|
|---|---|---|---|
| Jakob Martin Ásgeirsson (FH) skoraði mark Hraðaupphlaup. Ótrúlegar lokamínútur! | |||
Leiklýsing
| Ísland | 0:0 | Kanada |
|
|---|---|---|---|
| Tveimur mínútum bætt við leikinn. | |||
„Hún er jafnvel fegurri en áður“
Bláa lónið lokað fram yfir helgi
Yfir 40.000 kosið utan kjörfundar
„Okkar plan að halda þessu að óbreyttu til streitu“
Þyrlan sótti annan í bakaleiðinni
Hátt í 600 nýjar íbúðir í Hafnarfirði
