Sögulegur sigur gegn Úkraínu á EM
Setja bókamerki
Ísland vann Úkraínu, 27:24, í annarri umferð F-riðils EM 2024 í handknattleik kvenna í Innsbruck í Austurríki í kvöld. Er það fyrsti sigur íslenska kvennalandsliðsins á Evrópumóti í sögunni.
Ísland er í þriðja sæti riðilsins með tvö stig, jafnmörg og Þýskaland sæti ofar, og mætast liðin í hreinum úrslitaleik á þriðjudagskvöld um hvort þeirra fylgir Hollandi upp úr F-riðli og í milliriðil í Vín.
Leikurinn fór nokkuð rólega af stað en Ísland var með yfirhöndina þar sem vörnin stóð vel og Elín Jóna Þorsteinsdóttir lokaði markinu. Staðan var orðin 3:0 eftir fimm mínútna leik og tók Borys Chyzhov, þjálfari Úkraínu, leikhlé þegar í stað.
Við það lagaðist leikur úkraínska liðsins fyrst um sinn og tókst því að minnka muninn niður í eitt mark í stöðunni 4:3.
Ísland náði þá aftur yfirhöndinni, skoraði fjögur mörk í röð og staðan þá orðin 8:3. Bætti íslenska liðið einungis í og komst mest átta mörkum yfir, 15:7, og 16:8, áður en Úkraína skoraði síðasta mark fyrri hálfleiks. Staðan því 16:9 í hálfleik.
Vörnin var afar góð hjá íslenska liðinu í fyrri hálfleiknum auk þess sem Elín Jóna varði átta skot í honum og var með 53 prósent markvörslu. Sóknarleikurinn gekk þá eins og smurð vél þar sem Elín Klara Þorkelsdóttir stýrði ferðinni með myndarbrag.
Róðurinn erfiðari í síðari hálfleik
Ísland hóf síðari hálfleikinn ekki jafn vel og ekki leið á löngu þar til Úkraína var búin að minnka muninn niður í fjögur mörk, 18:14.
Úkraína færði sig enn frekar upp á skaftið og minnkaði muninn niður í þrjú mörk í stöðunni 20:17. Íslenska náði tvisvar sinnum fimm marka forystu, 22:17 og 23:18, í kjölfarið en áfram klóraði Úkraína í bakkann.
Ísland hleypti Úkraínu hins vegar ekki nær en þremur mörkum í síðari hálfleiknum og vann að lokum með þremur mörkum.
Perla Ruth Albertsdóttir var markahæst hjá Íslandi með sex mörk. Elín Jóna endaði á því að verja tíu skot.
Markahæstar í leiknum voru Valeriia Nesterenko og Tamara Smbatian með sjö mörk hvor fyrir Úkraínu.
Aðrir virkir leikir
| Man. United | 4:0 | Everton |
|
|---|---|---|---|
| Leik lokið Sannfærandi sigur Manchester United staðreynd. | |||
| Liverpool | 2:0 | Man. City |
|
|---|---|---|---|
| Leik lokið Verðskuldaður sigur Liverpool sem nær níu stiga forskoti á toppnum á ný og ellefu stiga forskoti á Manchester City. | |||
Leiklýsing
| Ísland | 27:24 | Úkraína |
|
|---|---|---|---|
| Steinunn Björnsdóttir (Ísland) skoraði mark Ísland er að vinna sinn fyrsta sigur á lokamóti EM! | |||
Halla fundar með formönnum á morgun
Fimmta hvert atkvæði dautt í Reykjavík norður
Tveir flokkar detta út en enginn nýr á leið inn
„Enginn sem er að læsa sig saman“
Dagur: Ríkisstjórnin stekkur ekki í fangið á manni
„Fólkið vill Viðreisn í ríkisstjórn“
Ætlar ekki að mynda ríkisstjórn í viðtali
„Þjóðin er byrjuð að svara fyrir sig“