Stórleikur á Anfield í dag
Setja bókamerki
Það er heldur betur stórleikur á Anfield í dag en þá tekur Liverpool á móti toppliði Manchester City.
Manchester City er taplaust í öllum keppnum á Englandi og er með 15 stiga forskot á granna sína í Manchester United en Liverpool er í 4. sæti deildarinnar og er taplaust í síðustu 17 leikjum sínum í öllum keppnum.
Þegar liðin áttust við í fyrri umferðinni á Ethiad-vellinum vann Manchester City stórsigur, 5:0, og þau úrslit vilja liðsmenn Liverpool örugglega hefna fyrir.
Reiknað er með því að Mohamed Salah snúi aftur inn í lið Liverpool en hann hefur misst af tveimur síðustu leikjum sinna manna vegna nárameiðsla. Gabriel Jesus er á meiðslalistanum hjá Manchester City sem að öðru leyti getur teflt fram sínu sterkasta liði.
Líkleg byrjunarlið:
Liverpool: Mignolet; Gomez, Van Dijk, Lovren, Robertson; Oxlade-Chamberlain, Can, Milner; Salah, Firmino, Mané.
Manchester City: Ederson; Walker, Otamendi, Stones, Danilo; Ke Bruyne, Fernandinho, Silva.
Leikir dagsins:
13.30 Bournemouth - Arsenal
16.00 Liverpool - Manchester City
Ofsóttur innan veggja Boeing
„Menn eru bara búnir að forgangsraða“
Hafa samþykkt kaup fyrir um 9,2 milljarða
Ísraelar hefna árásarinnar
Kvikan virðist nú skiptast til helminga
Markaðurinn hitnar og leiguverð hækkar hratt