José Mourinho, knattspyrnustjóri Manchester United, skrifaði í dag undir nýjan samning við félagið.
Samningur Portúgalans gildir til ársins 2020 með möguleika á eins árs framlengingu en hann er á sínu öðru tímabili með liðið.
Hann varð fyrsti stjóri í sögu félagsins til að vinna titil á fyrsta tímabili sínu en Manchester United vann ensku deildabikarkeppnina í febrúar á síðasta ári og vann svo Evrópudeildina í maí.
„Það er mikill heiður að vera knattspyrnustjóri Manchester United. Ég vil þakka eigendum félagsins og Woodward fyrir viðurkenningu á mínu starfi. Ég er mjög ánægður með traust þeirra í minn garð og að þeir telji að ég sé rétti knattspyrnustjórinn fyrir þetta frábæra félag í í fyrirsjáanlegri framtíð,“ sagði Mourinho eftir undirskriftina.
„Við höfum sett okkur háleit markmið, að vinna þrjá titla á einu tímabili en þetta eru markmið sem ég reikna með að mitt lið stefni að. Við erum að skapa skilyrði fyrir frábæra og árangursríka framtíð fyrir Manchester United,“ sagði Mourinho.