Flugeldasýning hjá Liverpool - Ronaldo með tvö
Setja bókamerki
Liverpool bauð upp á flugeldasýningu Estádio do Dragao leikvanginum í Porto í kvöld en liðið burstaði Porto, 5:0 í fyrri leik liðanna í 16-liða úrslitum Meistaradeildarinnar í knattspyrnu. Á Santiago Bernabeu hrósaði Real Madrid 3:1 sigri gegn Paris SG.
Liverpool eins og Manchester City getur farið að undirbúa sig undir átta liða úrslitin en lærisveinar Jürgens Klopp tóku liðsmenn Porto í kennslustund. Porto réð ekki við frábæra sóknarlínu Liverpool en þeir Sadio Mané, Mohamed Salah og Firmino sýndu enn og aftur snilli sína.
Mané skoraði þrennu í leiknum og þeir Salah og Firmino skoruðu sitt markið hvor en staðan í hálfleik var, 2:0. Salah hefur þar með skorað 30 mörk á leiktíðinni og samanlagt hafa þessir þrír skorað yfir 50 mörk. Liverpool er það lið sem hefur skorað flest mörk í Meistaradeildinni á tímabilinu eða 28 talsins.
Evrópumeistarar Real Madrid lendu undir gegn Paris SG á heimavelli. Adrien Rabiot kom Parísarliðinu í forystu á 33. mínútu. Cristiano Ronaldo jafnaði metin úr vítaspyrnu á lokamínútunni í fyrri hálfleik og hann skoraði þar með sitt 100. mark fyrir Real Madrid í Meistaradeildinni.
Það stefndi allt í jafntefli en á síðustu sjö mínútum leiksins skoruðu Evrópumeistararnir tvívegis. Ronaldo skoraði á 83. mínútu, sitt 116. mark í Meistaradeildinni og 12. á leiktíðinni í Meistaradeildinni og Brasilíumaðurinn Marcelo bætti þriðja markinu við þremur mínútum síðar.
| Porto | 0:5 | Liverpool |
|
|---|---|---|---|
| Uppbótartíminn er 2 mínútur. | |||
Verðbólgan komin niður í 6%
Vélsleðaslys: Þyrlan kölluð út á mesta forgangi
„Okkur miðar í rétta átt“
„Hvílir mikil leynd yfir þessu öllu“
Handtekin eftir að tvö börn fundust látin
„Á réttri leið en nokkuð í land ennþá“
Beint frá Kína