Manchester United telur sig hafa unnið kapphlaupið um að fá Brasilíumanninn Fred til liðs við sig frá úkraínska liðinu Shakhtar Donetsk.
Enskir fjölmiðlar greina frá því í kvöld að brasilíski miðjumaðurinn muni líklega gangast undir læknisskoðun hjá United í næstu viku en Manchester City reyndi að fá Fred til liðs við sig í janúar án árangurs
Talið er Manchester United þurfi að punga út 43 milljónum punda fyrir leikmanninn en upphæðin gæti endað í 52 milljónum punda við tiltekinn fjölda leikja með liðinu.
Fred er á leið til Englands með landsliði Brasilíu en Brasilía og Króatía, andstæðingar Íslendinga á HM í Rússlandi, mætast í vináttuleik á Anfield í Liverpool á sunnudaginn.
<br/><br/>