Dalglish sleginn til riddara

Kenny Dalglish er orðinn Sir Kenny Dalgish eftir að hafa verið sleginn til riddarar af Elísabetu Bretadrottningu fyrir framlag hans til knattspyrnu á Bretlandi.

Dalglish er fyrrverandi leikmaður Celtic og Liverpool og af mörgum talinn sá allra besti til að spila fyrir bæði þessi félög. Hann var framherji og skoraði 336 mörk í 824 leikjum með þessum tveimur félögum, ásamt því að spila 102 landsleiki og skora í þeim 30 mörk.

Hann varð síðar knattspyrnustjóri Liverpool um árabil og síðar stýrði hann Blackburn til sigurs í ensku úrvalsdeildinni árið 1995. Hann varð Englandsmeistari alls 14 sinnum sem leikmaður og stjóri ásamt því að verða Evrópumeistari í þrígang með Liverpool.

• Blogga um frétt