Enska knattspyrnufélagið Chelsea greindi frá því í kvöld að félagið hefði selt belgíska landsliðsmarkvörðinn Thibaut Courtois til Evrópumeistara Real Madrid.
Í tilkynningu Chelsea segir að Courtois eigi eftir að semja við Real um kaup og kjör en það virðist aðeins formsatriði. Kaupverðið er ekki gefið upp en króatíski miðjumaðurinn Mateo Kovacic kemur til Chelsea frá Real að láni í eitt ár sem hluti af kaupverðinu.