Liverpool átti ekki eitt einasta skot á mark Napoli í kvöld þegar liðið tapaði fyrir ítalska liðinu 1:0 í 2. umferð riðlakeppni Meistaradeildar Evrópu í knattspyrnu.
Þetta er í fyrsta skipti frá því í febrúar 2006 sem Liverpool á ekkert skot sem hittir í mark andstæðinganna en það gerðist í leik á móti Benfica sem Liverpool tapaði 1:0.
Lið Liverpool virkaði þungt og þreytulegt í kvöld en það er eins gott fyrir lærisveina Jürgens Klopp að rífa sig upp því um komandi helgi mæta þeir Manchester City.