Einn stuðningsmaður Manchester City liggur nú þungt haldinn á spítala eftir árás sem hann varð fyrir eftir 3:2-sigur City á Schalke í Meistaradeild Evrópu í fótbolta í gærkvöldi.
Stuðningsmenn Schalke veittust að honum eftir leikinn, sem City vann 3:2. „Félagið er að vinna í þessu máli ásamt lögreglunni í Manchester og lögreglunni í Þýskalandi.
Starfsmaður félagsins er enn í Þýskalandi að veita stuðningsmanninum og fjölskyldu hans stuðning,“ segir í yfirlýsingu sem City sendi frá sér í dag.