Nýr heimavöllur enska knattspyrnufélagsins Tottenham, Tottenham Hotspur Stadium, er loksins tilbúinn eftir fjögur ár í byggingu. Tottenham hefur spilað heimaleiki sína á Wembley, undanfarin fjögur ár, en liðið mun leika fyrsta heimaleik sinn á nýja vellinum þann 3. apríl næstkomandi gegn Crystal Palace í ensku úrvalsdeildinni.
Á sunnudaginn næsta mætir U18 ára lið Tottenham U18 ára liði Southampton á nýja vellinum í eins konar prufukeyrslu á vellinum. Tottenham er sem stendur í þriðja sæti ensku úrvalsdeildarinnar með 61 stig eftir 30 leiki og er í harðri baráttu um Meistaradeildarsæti.
Félagið birti myndband á Twitter-síðu sinni í dag af framvkæmdum nýja vallarsins en myndbandið má sjá hér fyrir neðan.
How our new home was built.
— Tottenham Hotspur (@SpursOfficial) March 22, 2019
#SpursNewStadium ⚪️ #COYS pic.twitter.com/vzNZD1u5um