Graham Potter verður næsti knattspyrnustjóri enska úrvalsdeildarfélagsins Brighton. Sky Sports greinir frá.
Potter tók við Swansea fyrir síðustu leiktíð og stýrði liðinu í tíunda sæti í ensku B-deildinni og komst í átta liða úrslit ensku bikarkeppninnar.
Potter tók við Swansea, eftir að hann gerði magnaða hluti með Östersund í Svíþjóð. Swansea bauð Potter nýjan samning í kjölfar þess að Brighton sýndi honum áhuga, en hann hafnaði honum til hefja viðræður við Brighton.
Brighton rak Chris Hughton á dögunum og þarf félagið að greiða Swansea um tvær milljónir punda fyrir ráðninguna á Potter.